تجمع عشاق القيصر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تجمع عشاق القيصر

تجمع عشاق القيصر
 
الرئيسيةالبوابةأحدث الصورالتسجيلدخول

 

 كلمات المواويل الساهريه

اذهب الى الأسفل 
3 مشترك
كاتب الموضوعرسالة
الطير الشريد
المدير
الطير الشريد


ذكر
عدد الرسائل : 672
العمر : 41
البلد : قلب حبيبتى
العمل/الترفيه : رضاء حبيبتى عنى
المزاج : ساهرى
رقم العضوية : 1
نشاط العضو :
كلمات المواويل الساهريه Left_bar_bleue80 / 10080 / 100كلمات المواويل الساهريه Right_bar_bleue

تاريخ التسجيل : 13/08/2007

بطاقة الشخصية
مزاجي: لا مزاج

كلمات المواويل الساهريه Empty
مُساهمةموضوع: كلمات المواويل الساهريه   كلمات المواويل الساهريه I_icon_minitimeالإثنين نوفمبر 05, 2007 5:53 pm

أبوس روحك



أبوس قلبك

أبوس قلبك خلي قلبك صافي

لو فعلاً تحبني وتريد نصافي

خليك طيب ياعسل ياصافي

لك صفي نيتك روحي لأجلك فدوه



أبوس روحك

أبوس روحك لا تروح لحالك

ملهوفه روحي وحالي يشبه حالك

بهذا الهجر منهو عليّ اوحالك؟

معقوله تنسى ايام حبنا الحلوه



أبوس عينك

أبوس عينك ياللي عينك عيني

راعيتك تمنيتك تراعيني

لو تعطش أشرب ياحلو من عيني

ارويك بيدي الماي يحلى ويسوه


ابوس قلبك ابوس روحك ابوس عينك



غرفة المكياج



دعتني لغرفة المكياج اتمتع بزينتها

انت مرايتي كَالت وبدت تلعب بريشتها

تتفنن بهالالوان وعيوني مرايتها

وسألتني تعال هنا ! شلون بشفتي الأحمر؟

كَلت ياعم شفايف هي لو ياقوت لو سُكر

وسألتني عن الكحلة شلونها برمشي الأسود؟

كَلت هي حواجب هاي لو سيفين لو مبرد

رحميني يابنت الناس انا صبري انتهى لهالحد

انا والله رجل فلاح والتفاح فوكَ الخد

صعب اتحول مرايه وانا مجنون أب عن جد

لترك غرفة المكياج فوراً لأن صارت جد

بغداد يسعد صباحك



بغداد بغداد يسعد صباحك بغداد

ياوطني يسعد صباحك

لمّ الشمل لملم جراحك

ياوطني

أتمنى أشوفك مره تضحك

متى الحزن يطلق سراحك؟

ياوطني

انا وياك



انا وياك وصفنتي وآخر الليل

نتحاسب عالسهر والهم والهموم



انا وياك ياقلبي وحسرتي واخر الليل

نتحاسب عالسهر والهم والذنوب



مثل آخر سيجارة باخر الليل

نفس نفسين روحي وبيدك تذوب



اصحي من عليك باخر الليل

اذا حتى النفس ثلج بالقلوب

كاس العمر



ياكاس العمر ماظلت وشل بيك

وياجرحي لشوكت تنزف واشل بيك؟

يكَلي ليش متعذب وش البيك؟

وهو سبب كل اللي صار بيّ


لابوك



لابوك لابو من ترجى حنانك لابو قلوب

بلهوى تشكي الظيم


ذنبي وانا بلحب عليت شانك ومثلك فلا يحتاج بلحب

تعظيم


كلمة احبك لا تجي في لسانك شوهت بأسم الحب كل

المفاهيم


خلي التخلي ينفعك في زمانك وروح مراح الريح لاروح الغيم


مليت اسامح وادك المصافحه بأيدي


مليت اعذرك واشيلك دمعه في عيني


كأنك تحاول بسيف الهجر تهديدي


الهجر سيفك وانا النسيان سكيني


لابوك لابو من ترجى حنانك لابو قلوب بلهوى تشكي الظيم


اريد ابكي على صدرك



اريد ابكي على صدرك مشتهي النوح


اريد اكَعد اكَبالك واحسب جروح

اريد اوكَف ببابك طير مذبوح


بيَّ نار وهي مو كل نار نار

ابكي ماينزل دمع يطفر شرار


وبعد جوياتك ياليل هاي لسعات النهار

يازمن شلك عليا شبيك دكَاتك كبار


وك نيشنت على الطير اللي بيدي

وذبلت حتى الخضار

ابكي ما ينزل دمع يطفر شرار


شبك طيري



شبك طيري على الصيدات وانهد

وشدر مابين لب الصدر وانهد

الا عيني كم مظلوم قبلي انسجن وانهد

وانا بسجنك يابو خدود الظويّه

لا عزاء




لاعزاء المن اجيتي لاعزاء

الف شكرا للمشاعر والف شكرا للوفاء


طعنتيني بكبريائي وجايه تشوفين دمعي

الف شكرا تستحقين الثناء



لملمي كل الحقائب واخذي كل شي ولا تجيني

لو ردت اضعف واصافح عزتي تقطع يميني


لخاطر الله اتركيني اتركيني


صدمه بيها اختبر نفسي وامشي فوك جروح عمري

الله ينطيني الصبر واطلب من الله العزاء



الليله طفي شموعي كلها راحت هباء

مابقت عندي ذريعه ومعنى للحب والوفاء


ماريد اشتكي لاحد المعذره ياصدقاء

الليله بيها ابقى بعزلتي ووحدي اتجرع صدمتي


الله ينطيني الصبر واطلب من الله العزاء


جرح الحبيب


ماله تالي اون وأدري بونيني ماله تالي

اداري وعيب ينفع ماله تالي


صحيح اللي ماله اول ماله تالي

يخون بصاحبه وذاته رديا


مثل اختك



مثل اختك كلمه قالتها ومشت دون انتظار

مثل اختك وانا غير الصبر ماعندي أختيار



ياماياما بشوقها سهرت الليالي

وصلتني للعدم دمرت حالي



ومن شرحت اسبابي قالت باختصار

مثل اختك وانا جدا اسفه لهذا القرار



اشقد بنات اللي صادفوني ماخطر على البال أحب

هي بس هي بخيالي وبيدها صار القلب



ليش تركت المال وتبعت السراب

ليش ضيعت العمر باول شباب



ومن شرحت اسبابي قالت باختصار

مثل اختك وانا جدا اسفه لهذا القرار
زعلان



زعلان بس يا زعل لمن ترد للصدق

قبل المنادى اجي واركض ركض محترق

وين القى مثلك هوى لولاك والله اختنق


هي شراكة نفس وقلبي ويا قلبك يدق

لو ما وقتنا صعب واحد سكن بلغرب وواحد سكن بالشرق

كل المسافة البعد وسوالفك تنسمع كنا احنا حلق بحلق

ياعود وين الصدق


ياعود وين الصدق ضاعت قياساتي

الناس اللي احبهم صفو اسباب مأسآتي



ياعود عندك خبر ماظل الي صاحب


تركوني وسط البحر واتكسر القارب

ياعود ماخالفت بس خالفوا خلتي


زرعوني وسط الجمر وتنطروا شجرتي

تالف ملامه وقهر يلي غرتك ضحكتي

عشرة عمر


ماي نار لا مو دمع هذا اللي جرى من العين


بعينك تشوف شحفر دمعي على الخدين

يلي بعت عشرة عمر وقابلت زين بشين


هو انت من اي صخر وجايب القسوه منين

قلبي بغيابك صفى طير وخسر جنحين
هذا الحلو



ياعمي هذا الحلو للموت وداني

هو اللي حرق مهجتي وهو اللي داواني

الشفة فستق حلب والدلع لبناني


هذا الحلو قابلنا وسلنا


هذا الحلو عذبنا مرمرنا وسلنا

صغير يمكن 17 عمره وسنا


لاهله شقد جبت شيعه وسنه

يقول الا المسيحي يمر عليا


أريد أحلف


اريد احلف ابد ماشرب لبنكم

وانهي العشره اللي بيني وبينكم

وك غصب زوجتوا محبوبي لبنكم

وتركتوني وحيد مريض الالم بيا

دربك صعب


اطفى وارد اشتعل ما اشكي من دنياي


حملي وانا اتكفله ماريد عون وياي

قالولي دربك صعب قلت القدم مشاي


قالولي رمل وشمس قلت انا اصير فياي

رمل الصحاري برد ورمل النهر جواي


محمل قوافي حزن ومحتاجه لحداي

الله يعلم بما سوى الزمان وياي


شفت المصايب شفت بويا يابوياي

اتقطع ولا اون وني يفرح عداي


كلشي يشوف البشر بس لا يدنك هاي


ياعود بطل حزن



ياعود بطل حزن ما للفرح حصه

راح العمر وانقضى غصه بأثر غصه

انا قلبي نضج موسمه اخذ خنجر وقصه


البارحة بالحلم




البارحه بالحلم حاضن الغالي

صحيت من نومتي لنه الحضن خالي



نجمة فجر ياحبيبي وانزل على غطاك

وبحجة البردان أتحاضن وياك



البارحه بالحلم محبوبي بحضاني

بوسني من وجنتي طفالي نيراني



قتله حبيبي اقترب عوضلي حرماني

هل تقبل مروتك تتركني وحداني



اموت حسره وقهر لو لحظه تنساني

وك ارضى اعيش بسجن لو انت سجاني



ياعمي هذا الحلو للموت مشاني

هو الحرق مهجتي وهو اللي داواني



الشفه فستق حلب والدلع لبناني



مو مثل بعض الناس عطيته حناني

بس غبت عنه شوي صاحب له ثاني



ماريد يطلع صبح نورك عليّ كافي

مادام عدنا الحلو خلو الضوه طافي

دللول




دللول يا الولد يابني دللول


عدوك نحيل وساكن الجول

الليله اموت الليله اخر ليله


الليله احط ايدي على راسي والمطر شد حيله

قطرات العمر ناقوط حب سهران


يمه دخيلج اترجاج ضميني بسواد الشيله

يامطر ياسيل اخذوني على نهران الحبيب


بلكي اصادف صورته شي باقي منه اثر قدمه على

الرمل واشكي له

وانزع عيوني براحته وهي العيون معلمه شتحكيله



ياطيور الليل اخذوني على ناسي

اللي يموت يشوف يسمع يلتفت ينكسر قلبه ويعرف

اللي يبكيله

تمنى واللي يموت يتمنى ويجيله


انا اتمنى الشتا وحظن الحبيب

وسيف قاتلني قبل هاي الليله
هاك الأبرة


اخذ الابره واخذ الخيط عمي اريد اكلفك

مجرح الدلال خيطه على عرفك

ياطيب


ياطيب ياطيب عسى لا هبيت ياغربي ياطيب

لاني فارقت الاحباب بغير طيب

انا كل ما قول جرح القلب طيب

يطيب ويلجمه فراق الاحباب

شعر الحلوه



ياشعر الحلوه من بللك من؟

وياطعم الخد شبيه السلوى والمن

تريد الحق هن اللي يحكمن هن

وقوفاً يارجال اخذوا التحيه والكم عيوني



دور حجج مالقى راح اشتكى لاهله

يألف عليا القصص كل يوم اله زعله

قابل انا بلوعتك ياقيمر الحله


الحله : محافظه عراقيه تشتهر بالقيمر وهو القشطه

خدك قمر


خدك قمر لو لمبة نور لالى

ياجسمه من ورى الثوبين لاله

لزمته من الخدود رد وصاح لالا

ترف ويبين النيشان بيا

بعدتم عن العينين



بعدتم عن العينين فازداد حبكم

وغبتم وانتم في الفؤادحضور

بعدتم عن العينين يايابه يايابه

بعدتم عن العينين فازداد حبكم

فجودو بوصلِ والزمان مفرقِ

وأكثر عمر العاشقين قصير

آه آه آه يايابه آه آه آه يايابه

يحييكم قلبي تحيه مُطربِ

تناسي هموم حمله كثير

آه آه آه يايابه

ياساهر



ولا كنك يا ساهر فوق الرمال

معلق خلصت عمرك بالأسفار

وما دامك يا ساهر فوق الرمال

ما عندك حبيبة ولا إلك دار

كان الفرح عندي طير محبوس

لقى فرصة أتعلق بالسما و طار

شيفيدك لو تجر كل المواويل

وشيفيدك لو تردد كل الأشعار

شيفيد تمر نهر بولاية مهجورة

ولك كافي يا ساهر تظل مثل الأرض

يومية لك دوره


الغربة



يادنيا إنتي الحرمتيني من أهلي

سكنت الغرب من غصباً عليّ

ادق يا باب واسال من عليكم؟

ضعف صبري وزماني خاف بيّ



شوصفلك غربتي , صدري مخنوق صوتي مبحوح

دفنتوني بغرب وتعالج الروح



غريب وكل غريب يتذكر اهله



الام الحبيبة والدي الحبيب اخواني احبابي اصحابي جيراني وفي البيوت

وك من غيركم دنياي تابوت

عذاب فراقكم كنه المنيّه



هلي احباب قلبي هلي

تذكرون الصبح وانتم تفطرون؟

بعدها صورتي تتوسط البيت؟

المكان اللي احبه بعده موجود؟

حديقتنا بعدها محمله ورود؟

والاغاني اللي أحبها من الطفوله لأم كلثوم ولناظم الغزالي

وللكبنجي حنيت

لبوذياتنا ومقاماتنا عتاباتنا وسحر المواويل

للمقهى القديم وشاي ابو الهيل

بحضن دجله الزوارق هايمه تطوف

ونيران الشواطي وسمك مسقوف



الله ينتقم منج ياايام هلي الطيبين ضاعوا من اديَّ

بيش اعوضهم ياربي وانا قلب الطفل قلبي

من يجي براسي هواهم يحرق ثيابي العليَّ

اقرا آيات ودعائي يهون الغربه عليَّ

كل صوركم بكت يمي

افرجها ربي شلون بيَّ

حقي لو اضعف شسوي الارض مو ارضي

الناس مو ناسي الجو مو جوي

يصير اذل نفسي واشكي لعدوي امري


اقول الآه


اقول الاه كي اشفي غليلي وتجرحني واحسبها دوائي

أممنوع عليا ارى حبيبي ومسموح عليا عذاب دائي


على جمر تسير بيا الليالي ولا نور امامي او ورائي

انا الصمت الحريق انا الشحوب انا صبر الرجال على النساء


انا لا استريح على فراشي وفي جنبيا هما كربلائي


ياويلي تقول اراك مبتسما تغني وكم يحتاج مثلك للبكائي

وماتدري بأن بكاي صعبا واكبر من دموعي كبريائي


أعجبك من اريد اتغازل وياك



أعجبك من أريد اتغازل وياك وارش ماي الورد فوق الشفايف

وبنور القمر اغسل محياك انا شلال من حب وعواطف

مكانك بالقلب وبروحي مأواك وبين عيوني انت منين خايف؟

جميل أنت ومثير بكل مزاياك حرام الليل يخلص بالسوالف

حبيبي اسمحلي المس طرف وجناك والقط منكا مصرية وقطايف

واذا بحجة المزاح اتمادى وياك من هسه اكولك آني أسف

هن ياقلب



هن ياقلب بلي يجي وحن ياقلب عالراح

واسبح بشط الحزن ظهر ومسا ومصباح



وهيم بصحاري التعب وكويك من ترتاح

كم موت اجى وما متت يلي بيك سبع ارواح



فاتك قطار الهوى وبعيد عنك صاح

والشيب حنه الزلف والنوم على الخد لاح



امشي على حد الحزن لانه الحزن ذباح

مادام ضاع القفل شسوي بلمفتاح



ياقلبي دقاتك مسودنه(مجنونه)كأنهن بصدري رماح


وياك انا حرب كلمن يشيل سلاح

تقتلني لو اقتلك بالحالتين ارتاح

أتمنى من كل قلبي انو تعجبكم
الرجوع الى أعلى الصفحة اذهب الى الأسفل
http://www.luvkazem.yoo7.com
ساهري جدا
ساهري ذهبي
ساهري ذهبي
ساهري جدا


ذكر
عدد الرسائل : 497
العمر : 37
البلد : الأردن
العمل/الترفيه : عاشق للساهريه وحبيبها
نشاط العضو :
كلمات المواويل الساهريه Left_bar_bleue0 / 1000 / 100كلمات المواويل الساهريه Right_bar_bleue

تاريخ التسجيل : 13/08/2007

بطاقة الشخصية
مزاجي: أفكر في الحبيب

كلمات المواويل الساهريه Empty
مُساهمةموضوع: رد: كلمات المواويل الساهريه   كلمات المواويل الساهريه I_icon_minitimeالثلاثاء نوفمبر 06, 2007 2:05 pm

مثل اختك



مثل اختك كلمه قالتها ومشت دون انتظار

مثل اختك وانا غير الصبر ماعندي أختيار


الله يعطيك العافيه حبيبي على مجهودك
الرجوع الى أعلى الصفحة اذهب الى الأسفل
https://luvkazem.yoo7.com
روبير
المشرف
المشرف
روبير


ذكر
عدد الرسائل : 574
العمر : 29
المزاج : سارح فى عشق القيصر
رقم العضوية : 36
نشاط العضو :
كلمات المواويل الساهريه Left_bar_bleue80 / 10080 / 100كلمات المواويل الساهريه Right_bar_bleue

تاريخ التسجيل : 22/11/2007

بطاقة الشخصية
مزاجي: معصب

كلمات المواويل الساهريه Empty
مُساهمةموضوع: رد: كلمات المواويل الساهريه   كلمات المواويل الساهريه I_icon_minitimeالثلاثاء ديسمبر 25, 2007 10:21 pm

يسلمو حبيبى على الكلمات الرائعة
الرجوع الى أعلى الصفحة اذهب الى الأسفل
 
كلمات المواويل الساهريه
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
تجمع عشاق القيصر :: ******الأقسام الساهريه الخاصه****** :: عالم الكلمات الساهريه وتحليلها-
انتقل الى: