كاس العمر
ياكاس العمر ماظلت وشل بيك
وياجرحي لشوكت تنزف وشيل بيك
يكلي ليش متعذب وش البيك !!!
وهو سبب كل الصار بيا
أريد ابكي على صدرك
اريد ابكي على صدرك مشتهي النوح
اريد اكعد اكبالك واحسب جروح
اريد اوكف ببابك طير مذبوح
بي نار وهي مو كل نار نار
ابكي ماينزل دمع يطفر شرار
وبعد جوياتك ياليل هاي لسعات النهار
يازمن شلك عليا شبيك دكاتك كبار
وك نيشنت على الطير اللي بيدي
وذبلت حتى الخضار ابكي ما ينزل دمع يطفر شرار
لاعزاء
لاعزاء المن اجيتي لاعزاء
الف شكرا للمشاعر والف شكرا للوفاء
طعنتيني بكبريائي وجايه تشوفين دمعي
الف شكرا تستحقين الثناء
لملمي كل الحقائب واخذي كل شي ولا تجيني
لو ردت اضعف واصافح عزتي تقطع يميني
لخاطر الله اتركيني اتركيني
صدمه بيها اختبر نفسي وامشي فوك جروح عمري
الله ينطيني الصبر واطلب من الله العزاء
الليله طفي شموعي كلها راحت هباء
مابقت عندي ذريعه ومعنى للحب والوفاء
ماريد اشتكي لاحد المعذره ياصدقاء
الليله بيها ابقى بعزلتي ووحدي اتجرع صدمتي
الله ينطيني الصبر واطلب من الله العزاء